أنا عن نفسي انا راضي

ولكن خوف بيسبقني

ما بين اللحظة والتانية

وقلبي م الألم موجوع

ونفسي من زمان 

بتتهرب

من الماضي 

وتتمرد

على الحاضر

على الأيام

أنا عالق ف لحظة غدر

ويمكن واخدة أحلامي 

وواقفة من ساعتها هناك

لا انا قادر أكون ناسي

ولا قادر تكون لي حياة

وعايش زي مش عايش

وفاكريني أنا الرايق

أنا المرتاح 

وبضحك رغم عن خوفي

فبيقولوا أكيد مبسوط

وانا فعلا بكون مبسوط

لكن من جوا اكون باكي

بكون مدبوح

أنا الخايف أنا القلقان

ببوح بحروفي جوايا 

محدش سامع المكتوب

ولا داري بكل الخوف

دا ساكن بس جوايا

لكن عايش بداري 

بضحكتي خوفي

وانا ماشي وروحي 

شايلها بكفوفي

وعندي م الأمل 

أميال بإن الضحكة

تملى قلوبنا من تاني

ونرجع تاني نتصافى

ونتونس بأحبابنا

ونتلاقى بأصحابنا

اللي كانوا زمان

بيملوا بالهنا روحنا

وتضحك بينا أيامنا

ونتصالح

تعالوا بينا نتصالح

????????