المدير لما يشوف موظف شاطر بيكلفه مهام اكتر بنفس الراتب و بنفس التايتل و بنفس المميزات 

مهما الموظف تخيل انه كده بيآخد مكانة باقي الموظفين 

الحقيقة هو بس بيآخد المهام بتاعتهم مش أكتر 

كذلك الست اللي مصرة تغني جوزها عن باقي ستات العالم

بقولك مش هيحصل حبيبتي انتي بس بتدسي نفسك و بتشتتيها و بتديها رسايل واضحة و مباشرة و صريحة انك مش كفاية 

—————-

قصة ان الراجل يبص لستات الكوكب جميعاً حقيقي بتحصل على أتفه الإسباب 

ضحكتها حلوة 

ضوافرها بايديها جميلة 

بصيتلي، غمزتلي، عملتني 

لبسها شكلها فورمتها حركتها صاحبتها 

اصلي عايز اصلي محتاج

—————

و الحقيقة مفيش سبب ولا حاجة هي مجرد سحلة عبيطة 

و الحقيقة كمان هو ان مفيش أي سبب من الأسباب دي تخصك و انتي مش موضع مقارنة بالمرة 

فخفي محاولات انك تعملي أراجوز و إقبلي ان مفيكيش كل حاجة، و ان دي مش شغلانتك اصلاً ان يكون فيكي كل حاجة  

فطبيعي يبص بره

= بس انتي يا آية قولتي اني لو سيكسي مكانش بص برة 

- صحيح طبعاً 

و أكتر حاجة تخليكي سيكسي أصلاً هو انك تكوني واثقة في نفسك و عجباكي و إنسانة سعيدة و مش مهتمة تعجبي حد 

بالشكل ده طاقتك ليكي و هو كمان ليكي و كل اللي بيعمله بيكون زي 

Window shopping 

بيلف في مول و يتفرج ع المعروض من بره 

لو اديتي ريأكشن هيدخل يشوف السعر كام و مش بعيد يشتري 

لو مديتيش ريأكشن هتفضلي انتي التحدي بالنسباله و ازاي مفرقلكيش انه بيتفرج !!!  

#ayathepsychologist