و توتة توتة 

خلصت الحدوتة

بعد ما خلص الصبر

و الروح ضاعت و دابت

و سابت جوة الجسد 

 قتافيت صغار من العمر

عمرك ما غلطت ابدا 

و الله ياحبيبى

و لا عمرك فى ساعة قصرت

من ساعة ماشبت روحى

و فتحت فى هواك

لحد أما شابت راسى

قبل الأوان وياك

انا اللى الغلط راكبنى

و عملنى مرجيحة

فضل يشقلبنى 

و انا صابرة مع الصابرين

ابكى فى سرى كتير

و فى العلن بكتب 

يجى الف تفريحة 

غرك سكاتى دخلت 

بحصانك الجانح 

و انا كنت ساكتة بقيس

قساوتك المرة

بميزان حديد شرياه

فى زمانك المالح

من أمته كان الصبر 

بيتحسب فى الضعف 

يا ابو فكر اهبل حزين

انا صبرى كان عن حب

يا صغير قوى يا ضئيل 

قاعد سنين و سنين

ماسك من النص عصايتك

لحد أما توتى زهأ

فبقلبى عاصيتك 

و توتة توتة هربت

منك فى طريق عنيد 

خلاص الصبر خلص

و ظهر عليا و بان

و ادينى بدأت اغنى 

غنيوة الندمان : 

و توتة توتة و توتة 

و خلصت الحواديت

اللى كانت جميلة 

و قتلها عقل ضئيل .