ملامحى اللى كل الناس ...

بتشوفها حلوه ..

أنا .. 

    مش باحب أشوفها خالص ...

                       ولا عايزه أكلّمها 

أصل انا .. 

         ما اتعودتش أكلّم حدّ .. 

                           مش مرتاحه له 

وملامحى اللى لسّه ..

مصرّه .. تفضل عيّله 

             رغم إنى كبرت 

                      مش بترضى تسمع كلامى

                              وبتمشى تكلّم الناس 

                                  وتهزّر معاهم .. 

                                  من ورايا 

وتنط الحبل فى وسط الشارع ...

         وبتلعب سيجه على القمه ...

             ولأنى مش مؤمنه ...

                     بضرب العيال ... 

 ببقى مضطره أخاصمها 

باخرج برّاها 

 وبرميها .....

على أبعد رف ّ فى تفكيرى .. 

               بس باموت من الاستغراب 

                            لمّا ألقانى .. 

كل ما أقابل حدّ في الدنيا 

ما يكلمنيش .. 

إلا عن حلاوتها .. 

مع .. إنى سايباها .. 

       على أبعد رفّ فى تفكيرى 

                      ومتأكده ....

                              إنها ...

                                هناك دلؤتى !!!!!