أنا الراوي جوا القصص

سيفي بين السطور اتسرد

بين حبكة وحل في متاهة للأبد

انا العقل 

اللي دبر الجريمة 

وبموت البطل هتتصدم

أنا القلب 

اللي نزل الدمعة

لما العاشق أتعدم 

 انا السجين

والمسافر بين صفحات الكتاب

لما برسى في يوم بينكسر القلم 

انا السهر 

والبن رفيقي مع العتاب

بخبي جوايا العذاب والألم 

انا السعادة

اللي متغلفة بالدموع 

والهجر اللي بيتمنى الرجوع 

انا الغريب 

اللي قررت أدفنك 

جوا كلمة لحد ما تتخنق

أنا الطريق 

اللي ملوش نهاية 

حتى البداية اختفت 

انا الهروب 

اللي هد الحيطان 

ومعاه كل مفاتيح البيبان

انا اللحظة 

اللي قادرة تخدعك 

هتعند وتبعد بس هرجعك

أنا السند والضهر والعشم

أنا الأمل 

اللي عايش على ضحكتي

وينور في لحظة وينطفي

انا النهاية 

هتلاقي نفسك جوا القفص

ودخلت طريق من العدم 

فاحذر قبل ما تلاقي نفسك متهم.