بحب وسط البلد قوي وبحب شوارعها.. بحكي مع الشوارع وانا ماشية فيها وبتونس بيها.. لانها بترد عليا وبتطمني.. والقاهرة بالنسبالي يعني وسط البلد.. قابلت فيها ناس وفارقت منها ناس.. حبيت واتحبيت في شوارعها.. شهدت على عهود كتير ووعود.. وحضنتني وانا ببكي مرات كتير ومسحت دموعي وطبطبت عليا.. عشان كده لما بصور شوارعها بتطلع حلوة قوي.. 

حبي ليها بيطلع في الكاميرا.. كان في وحدة دايما تقولي انا محدش بيعرف يصورني غيرك.. كنت بستغرب لاني مش فوتوجرافير.. بس كنت بحبها قوي.. عين المحب مختلفة