نقول: سلام عليكم ورحمة اللَّه وبركاته، ويلا بينا.
جميل إنك تاخد بالك من اللي حواليك، بس الأجمل فعلًا إنك تاخد بالك من نفسك الأوّل، بتسألني: إزاي أعمل كدا؟
هاقولك: عيش حياتك يا ابن النّاس زي ما يناسبك، بلاش تقيس حياتك على حياة غيرك، علشان أنتَ مش هو وهو مش أنت.
المؤذي اِبعد عنه، مٰفيش فُرص لحدّ سبق وضرّك عن عمد، لإنّها ببساطة بتكون فُرص ضايعة، بيضيع معاها جزء من عمرك، ادّي لنفسك ألف فرصة إنك تبدأ من جديد في أيّ وقت، لكن لغيرك فالفرص تكون مدروسة ومحسوبة.
خلليك زي ما أنت، بس بلاش تضغط على نفسك وتحمّلها فوق طاقتها، بوجودك في مكان مش شبهك ولا حتّى الموجودين فيه يشبهوك.
أنت إنسان عادي جدًّا ليك ردّ فعل لكُلّ فعل يحصل معاك، لكنْ في نفس الوقت أنتَ مش كوكيزاية حلوة وشيك كُلّ اللي يعاملك يأذيك.. خُد نفس عميييق وبلاش تسكت عن حقّك اللَّه يرضيك.