نقول: سلام عليكم ورحمة اللَّه وبركاته، ويلا بينا.

لمّا الضغوط تكتر عليك خالص، وتبقى مش عارف تعمل إيه، فكّر في حدّ غريب عنك، إدعي له بكُلّ خير وسعادة، وتأكد إن دُعاءك دا ليك قبل ما يكون ليه.

جيب ورقة بيضاء وأكتب فيها كُلّ حاجة مزعلاك، وفي ظهرها أكتب حاجة واحدة حلوة بس بسببها بقيت مبسوط، وفكّر في الحاجة الحلوة بنظرة رضا، وبعدها أكتب اللي نفسك فيه تحت الحاجة دي.

بعدين إدعي ربّنا سُبحانَهُ وتعالى باللي نفسك فيه، وكُن على يقين إن اللي هتدعي بيه هايكون، ما دُمتَ واثقًا بكرمِ اللَّه.

شيل الورقة وكُلّ ما تلاقي حاجة حلوة حصلت لك في يومك، إرجع اقرأ الورقة تاني وشوف الحاجة دي مطابقة لأيّ دعوة، واحمد ربّنا، وع فكرة مش لازم تكون الحاجة الحلوة دي تيبكال لنص دعوتك، ممكن تكون هي هي دعوتك بس من باطن معناها، مش بس ظاهرها.

حِبّ نفسك علشان أنت مخلوق مُكرّم من اللَّه.

كُن سعيد لإنك تستحقّ.

مٰفيش مشكلة لو جبت لنفسك حاجة حلوة تروق عليها، حتّى لو كانت مُجرّد آيس كريم شوكليت.

الحياة بسيطة بتحلى بالسعادة.