اوعي تسمح لحد يستنزف طاقتك تحت اي مسمي 

طاقتك دي راس مالك في ايامنا التقيلة دي 

متفرضش مساعدتك ع حد مطلبش المساعدة 

ومتديش وقتك لحد مش بيديلك وقته

ومتقدمش خدمة لشخص مش بيشكرك وانتبهوا للتفصيلة دي اوي 

ومتقربش خطوة الا لو اللي قصادك بادلك نفس الخطوة السؤال بالسؤال القرب بالقرب ومرة لك ومرة عليه لكن متكونش ابدا انت الطرف اللي بيتحرك قصاد حيطة ثابتة ايا كانت الحجج متصدقش

ابعدوا عن الناس اللي طاقتها شكوي طول الوقت الناس اللي مبتظهرش الا علشان تشيلكم همومها ومشاكلها وتختفي اول ماظروفها تتحسن

ابعدوا عن الناس اللي بتعاملكم ع حسب مزاجها 

ابعدوا عن الناس اللي مبتظهرش الا وقت فراغها 

اوعي تسمع لحد مش بيسمعلك

متقدمش وقتك وجهدك الا وانت قادر مش لمجرد ان شخص طلبهم وبس

اهم شئ الانسان بيمتلكه هو نفسه واي استنزاف لطاقته مش هيتقابل بشكر وامتنان وطاقة متبادلة تاكد ان هدر ع الفاضي ومع الوقت بتبقي لا عندك طاقة لنفسك ول غيرك وتشتكي انك وحيد بائس مكتئب والناس بتبعد من حواليك وانت مش فاهم السبب