لا انتمي

لا انتمى للمهرجان 

كل اللي فيه بقى بهلوان

بيبيع كيانه بالفلوس

و لسة ياما يبيع كمان

يبيع كلامه و ضحكته

يبيع علومه و مهنته

ع الشاشة يظهر ليل نهار

لجل ما يدوه لقمته

فيه اللي باع شرفه و مبادئه

و اللي قلع توبه و عبايته

عشان ما يلبس توب جديد

ويبقى مسخ ودي حكايته

لا انتمي انا للشاشات

انا انتمي لزمن وفات 

كان كل حاجة فيه أصيلة

لكنه أصبح كوم رفات

لا انتمي و لا هنتمي

و عالمكو دة مش عالمي

انا عالمي موجود ف قلبي

و كل ليلة وقت نومي 

ف حضنه انا بجري ارتمي