ماليش هتيفة ولا شلة 

بطولي ماشية في الحواديت 

ناس بجراحي تتسلى 

وترمي قلبي جنب الحيط

ناس تطيب الخاطر 

وناس تنده 

وأقول حاضر 

وناس منى عينها تلمحني 

أسير محني

 ما أقولش عليت 

ولا فارق معايا الناس وأفعالهم 

وأقوالهم وسر الشر جواهم 

ولا فارق يحبوني أو لأ 

مادام الحق ويايا

 حدعيلهم يبصرهم

 بذنب الفعل لو قاسي 

لو ظالم على المخاليق 

والدنيا ضيقة خلقة 

مش ناقصة زيادة في المخانيق 

تتعامل بالأصول تتعب 

تتعامل بالذوق تتعب 

في دنيا نسيت المبدأ 

ومطلوب مني إني أبدأ 

وحبدأ كيف وأنابفكر  

 في العزلة يوماتي ميت مرة 

كرهت خنقة الأشياء 

ومحتاجة أكون حرة 

ماليش ضهر في الدنيا 

غير هو خالق الدنيا 

وطيبة خصلة من أمي 

وحكمة نفحة من أبويا 

ودول دلوقتي مش حاجة 

ولا ينفع يعمروا دار 

واقفة في سكة محتارة 

عاجزة عن أخد أي قرار 

 

رانيا ثروت