قوية لكن ...بخاف
م نظرة على سهوة
تزلزلني
من كلمة تخطفني
من طبطبة حنينة
وسط القسا والبين
تسبيني .. تكتفني
من حبة دفا يتسربوا
من بين جبال البرود
من عيون ذكية تنور
وسط غباء القرود
من ابتسامة
تشرح القلب الحزين
من فعل طيب
يصحي في القلب الحنين
لحاجات كتير بنساها
وبطلت أحلم بيها
وبطلت استناها
من سنين و سنين
بخاف قوي جدا
والرعشة تملكني
فاجري استخبى
م الخوف و م الأغراب
مش عايزة أحس بحاجة
أنامش قد الحساب
فاختفي في خلوتي
في قلب محرابي
أمسك في ديل طرحتي
وأقفل أنا أبوابي
واجري في غيطان الروح
بطرحها الأخضر
تقويني ...تقويني
تشيل الدمع من عيني
وتسكن الفرحة
بوردها الشافي
وبمية المحياة
تطفي بقلبي النار
توهب لعمري حياة
غيطاني مسقية
ومروية من زمزم
ومسك رباني
بلا عدد و حساب
وأرجع أنا لدنيتي
وأفتح لها الأبواب
وأقف بقوة روح
وأساعها بحناني
وأملاها بمحبتي
والفرحة من تاني
و أحاوطها بأماني
وبعد فترة كده
أعود كما كنت أنا
متكلفتة في نفسي
و أشد ستر اللحاف
ومن تاني يا دنيا
بكل قوة أخاف.
رانيا ثروت
محمد عبد المنعم ابراهيم محمد
آية عطية عبد الفتاح الغمري
د. زينب عبد السلام محمد أبو الفضل 
ريهام عبد النبي خميس أحمد
ايمان سعد عبد الحليم بسيوني
د. سمر ابراهيم ابراهيم السيد
د.خليل السيد حليل محمد
أيمن موسي أحمد موسي
د. ايمان احمد ابو المجد الدواخلي
حنان صلاح الدين محمد أبو العنين
زينب حمدي 
د. نهله عبد الحكم احمد عبد الباقي 
د. عبد الوهاب المتولي بدر 
د. محمد عبد الوهاب المتولي بدر 
ياسر محمود سلمي 
م. اشرف عبد الصبور الكرم 
د. نهى فؤاد محمد رشاد 
د. شيماء أحمد عمارة