الحلم بيجى من الأمل 

فى طلوع الفجر 

بين خيوط الشمس 

وهى بتتولد 

تلاقى على الوشوش ضحكه 

وجوه العين فرحه 

جاية من بعيد تتفرد 

ليه الحلم جواك 

ساعات ممكن يموت 

لما تقدر تغنى 

ويجبروك على السكوت 

لما تعرف الفرق 

بين القنوط والقنوت 

وأيه السر إللى 

بين القوت والياقوت 

ليه البلابل سافرت 

بعيد عن أرضنا 

كرهنا غناها وألا 

كرهنا كمان بعضنا 

ونقطع أشجار الربيع 

ويبقى الخريف ضلنا 

وتنعق الغربان فى الفضا 

بصوت رديء وتضلنا 

جيت أحلم لقيت 

الحلم كله كابوس

ناس باعت نفسها 

بشوية فلوس 

وناس حظها 

دايما متعوس 

عشان كل شىء 

عندنا بقى معكوس